समृद्ध समाचारदाता/नेष्डो समृद्ध लघुवित्त वित्तीय संस्था लिमिटेडको आर्थिक वर्ष २०७७/७८ को प्रगति समिक्षा, आर्थिक वर्ष २०७८/७९ को कार्यक्रम सार्वजनिक तथा कोभिड व्यवस्थापन कार्यशाला गोष्ठी सोमवार स्याङजाको वालिङमा सम्पन्न भएको छ । गोष्ठीमा वित्तीय संस्थाका पाल्पा, स्याङजा र दक्षिण पर्वतका १० वटा शाखामा कार्यरत शाखा प्रवन्धक तथा केन्द्र प्रवन्धक गरी ३८ जनाको सहभागिता रहेको थियो ।

उक्त गोष्ठीमा विगत आर्थिक वर्षको लक्ष्य माथि समिक्षा गर्दै कर्मचारीको दक्षतामा कमी, कार्यक्रममा दोहोरोपना, कोभिड संक्रमण लगायतका कारणले अपेक्षित उपलव्धी हासिल हुन नसकेको वताइएको छ । विगत जे जस्तो भए पनि यस वर्षको लक्ष्य प्राप्तीको लागि लिभिङ वीथ कोभिडको रणनीति अवलवम्न गरिने कार्यक्रममा जानकारी दिईयो । कार्यक्रममा सहभागी शाखाले शाखाको लक्ष्य प्राप्तिको लागि कोभिडको व्यवस्थापनको लागि थप कार्यक्रम ल्याउनुपर्ने, सदस्यहरुलाई कोभिड सम्वन्धि सचेतनाको साथै स्वास्थ्य सामाग्री सहयोग गर्नुपर्ने, प्रविधिमैत्री कारोवारमा जोड दिनुपर्ने आदि कुराहरु प्रस्तुत गर्नु भएको थियो । गोष्ठीमा वरिष्ठ प्रवन्धक युधिष्ठिर भुषाल, सहायक प्रवन्धक उत्तम प्रसाद अधिकारी, सहायक अनुगमन अधिकृत रामचन्द्र गौतम लगायतले सहजीकरण गर्नु भएको थियो ।

गोष्ठीको शुभारम्भ गर्दै वित्तीय संस्थाका संस्थापक अध्यक्ष विश्व प्रकाश प्रसाईले नेष्डो समृद्ध लघुवित्त वित्तीय संस्था लि. कल्याणकारी पद्धतीवाट स्थापित नेष्डो नेपालवाट विकासित भएकोले यसको सेवा र सुविधाहरु व्यवसायिक भन्दा कल्याणकारी भएको वताउनु भयो । उहाँले कोभिडवाट सवै क्षेत्र मारमा परेको वेला विपन्न वर्ग पनि पिडित भएको भन्दै उहाँहरुको जीविकोपार्जनका लागि लघुवित्त क्षेत्रवाट धेरै टेवा पुगेको वताउनु भयो । उहाँले लघुवित्त संस्थाले विपन्न वर्गको राहातको लागि विभिन्न कल्याणकारी सुविधाको साथै ५ प्रतिशत व्याज छुट गरी १५ प्रतिशत कायम गरेको वताउर्दै विपन्न वर्गमा परेको कोभिडको प्रभावलाई न्यूनिकरण गर्न सेवा शुल्कमा समेत छुट गरेको वताउनु भयो । अध्यक्ष प्रसाईले कोरोना विशेष कर्जा सुविधाले धेरै विपन्न वर्गको व्यवसायिक प्रवद्र्धनमा सहयोग पुगेको भन्दै कोभिड कोभिड भनी हात वाँधेर वस्दा सर्वत्र आर्थिक संकट आउन सक्ने भन्दै अव लिभिङ वीथ कोभिडको रणनीति अवलम्वन गर्नुपर्ने वताउनु भएको छ । कोभिड संक्रमणवाट कर्मचारी र सदस्यलाई वचाउनको लागि स्वाथ्य उपकरण तथा स्वास्थ्य सामाग्रीको समेत व्यवस्था गरिएको भन्दै अध्यक्ष प्रसाईले संस्थाका सदस्य वाहेक समाजका सदस्यहरुलाई समेत सहयोग गर्ने कार्यक्रम संस्थाले अगाडी वढाउने जानकारी दिनु भयो । उहाँले हालै मात्र सरकारले मास्क अभियान सञ्चालन गर्ने घोषणा गरेको सन्दर्भमा नेष्डो समृद्धले पहिलो चरणमा ७८ हजार संस्थाका सदस्य परिवारमा मास्क पु¥याउने गरी अभियान अगाडी वढाएको वताउनु भएको छ ।

कार्यक्रममा हरेक शाखालाई अक्सोमिटर, थर्मलगन, स्थानीटाईजर, के.एन ९५ मास्क, सर्जिकल मास्क, पिपिई सेट, एन्टिजिन किट्स लगायतका स्वास्थ्य उपकरण र सामाग्री वितरण गरिएको थिथो । सोमवार वालिङ कलष्टरमा १० थान अक्सोमिटर, १० थान थर्मलगन, १० थान पिपिईसेट, ५० लिटर स्यानीटाईजर, १७ हजार ३ सय थान विभिन्न गुणस्तरका मास्क, ५७ थान एन्टिजिन किट्स लगायतका स्वास्थ्य उपकरण तथा सामाग्री अध्यक्ष प्रसाईले विभिन्न शाखालाई वितरण गर्नु भएको थियो ।

सो कार्यक्रम संस्थाको वालिङ शाखाका प्रवन्धक संगिता क्षेत्रीको अध्यक्षता, वित्तीय संस्थाका संस्थापक अध्यक्ष विश्व प्रकाश प्रसाईको प्रमुख आथित्यता, वरिष्ठ प्रवन्धक युधिष्ठिर भुषालको स्वागत एवम् सहायक अधिकृत इश्वरी प्रसाद शर्माको सञ्चालनमा सम्पन्न भएको रेडियो समृद्धका पाल्पा सहकर्मी सुमन घिमिरेवाट प्रषित समाचारमा जनाइएको छ । वित्तीय संस्थाका सवै शाखाहरुलाई समेटी विभिन्न ५ वटा कलष्टरमा कार्यक्रम गरिने भनिएकोमा तीन वटा कलष्टरमा कार्यक्रम सम्पन्न भएको संस्थाले जनाएको छ ।