समृद्ध समाचारदाता/नेष्डो समृद्ध लघुवित्त वित्तीय संस्था लिमिटेडको आर्थिक वर्ष २०७७/७८ को प्रगति समिक्षा, आर्थिक वर्ष २०७८/७९ को कार्यक्रम सार्वजनिक तथा कोभिड व्यवस्थापन कार्यशाला गोष्ठी शनिवार दमौली कलष्टरमा सम्पन्न भएको छ । वित्तीय संस्थाका तनहु, लमजुङ र गोरखा जिल्लामा रहेका १२ वटा शाखाका शाखा प्रवन्धक तथा केन्द्र प्रवन्धकको सहभागिता रहेको उक्त गोष्ठीमा विगतको आर्थिक वर्षको लक्ष्य, प्राप्त उपलव्धी, उपलव्धी हासिल नहुनको कारण र यस वर्षको लक्ष्य प्राप्तीको लागि अनुशरण गरिने रणनीतिहरुका सम्वन्धमा छलफल गरिएको थियो । कार्यक्रममा सहभागी सवै शाखाहरुले लघुवित्तमा कोभिडको प्रभाव र समाधानका विकल्पहरुको वारेमा संस्थागत प्रस्तुतीकरण गर्नु भएको गोष्ठीमा सहायक प्रवन्धक प्रमुख उत्तम प्रसाद अधिकारी, सहायक अनुगमन अधिकृत रामचन्द्र गौतम लगायतले सहजीकरण गर्नु भएको थियो ।

गोष्ठीको शुभारम्भ गर्दै वित्तीय संस्थाका संस्थापक अध्यक्ष विश्व प्रकाश प्रसाईले कोभिडको ठूलो मार विपन्न वर्गमा परेकोले पिडित वर्गको जीविकोपार्जनको सुनिश्चित गर्न लघुवित्त संस्थाहरुले विशेष ध्यान दिनु पर्ने वताउनु भयो । उहाँले लघुवित्त संस्थाले विपन्न वर्गको राहातको लागि ५ प्रतिशत व्याज घटाई १५ प्रतिशत कायम गरेको वताउनु भयो । उहाँले संस्थाले लिदै आएको सेवा शुल्कमा समेट केही छुट गरी कोरोना विशेष सुविधा कर्जा समेतको समेत व्यवस्था गरेको वताउनु भयो । प्रसाईले अव लिभिङ वीथ कोभिडको रणनीति बमोजिम संक्रमणवाट कर्मचारी र संस्थालाई वचाउनको लागि स्वाथ्य उपकरण तथा स्वास्थ्य सामाग्रीको समेत संस्थाले व्यवस्था गरेको वताउनु भयो । कार्यक्रममा अध्यक्ष प्रसाईले कोभिड संक्रिमित कर्मचारी, कर्मचारीको परिवारका सदस्य, संस्थामा आवद्ध सदस्य एवम् उहाँहरुको परिवारलाई समेत आर्थिक राहातको प्याकेज ल्याएको वताउनु भयो । सरकारले मास्क अभियान सञ्चालन गर्ने घोषणा गरिरहेको वर्तमान सन्दर्भमा नेष्डो समृद्धले पहिलो चरणमा ७८ हजार परिवारमा मास्क पु¥याउने गरी अभियान अगाडी वढाएको उहाँले जानकारी गराउनु भयो ।

कार्यक्रममा हरेक शाखालाई आवश्यक अक्सोमिटर, थर्मनगन, स्थानीटाईजर, के.एन ९५ मास्क, सर्जिकल मास्क, पिपिई सेट, एन्टिजिन किट्स लगायतका स्वास्थ्य उपकरण र सामाग्री वितरण गरिएको थिथो । शनिवार दमौली कलष्टरमा १२ थान अक्सोमिटर, १२ थान थर्मलगन, १२ थान पिपिईसेट, ६० लिटर स्यानीटाईजर, १२ हजार ५ सय थान विभिन्न गुणस्तरका मास्क, ५६ थान एन्टिजिन किट्स लगायतका स्वास्थ्य उपकरण तथा सामाग्री अध्यक्ष प्रसाईले विभिन्न संस्थालाई वितरण गर्नु भएको थियो ।

कार्यक्रम आतिथ्य शाखा दमौलीका शाखा प्रवन्धक सन्तोष अधिकारीको अध्यक्षता, वित्तीय संस्थाका संस्थापक अध्यक्ष विश्व प्रकाश प्रसाईको प्रमुख आथित्यता एवम् सहायक अधिकृत इश्वरी प्रसाद शर्माको सञ्चालनमा सम्पन्न भएको रेडियो समृद्धका तनहु सहकर्मी सुगत पौडेलवाट प्रषित समाचारमा जनाइएको छ । वित्तीय संस्थाका सवै शाखाहरुलाई समेटी विभिन्न ५ वटा कलष्टरमा काम भई रहेको संस्थाले जनाएको छ ।