📅 मिति: २०८२ साल चैत्र २९ गते

नेष्डो समृद्ध लघुवित्त वित्तीय संस्था लिमिटेड हुवास शाखाद्वारा एक दिने केन्द्र प्रमुख स्तरीय गोष्ठी तथा वित्तीय साक्षरता कार्यक्रम सम्पन्न भएको छ।

उक्त कार्यक्रममा करिब २१५ जना सदस्यहरूको सहभागिता रहेको थियो। कार्यक्रममा सहभागीहरूलाई वित्तीय साक्षरतासम्बन्धी जानकारी प्रदान गर्नुका साथै बचत, ऋण व्यवस्थापन र व्यवसायिक सीप विकासका विषयमा अभिमुखीकरण गरिएको थियो।

कार्यक्रमका अवसरमा शाखामा आवद्ध समृद्ध व्यवसायिक केन्द्रहरूमध्ये उत्कृष्ट कार्य गर्ने केन्द्रहरूलाई छनोट गरी चार विभिन्न विधामा नगद पुरस्कारसहित सम्मान गरिएको थियो।

संस्थाले यस्ता कार्यक्रममार्फत सदस्यहरूको क्षमता अभिवृद्धि तथा आर्थिक सशक्तीकरणमा योगदान पुग्ने विश्वास व्यक्त गरेको छ।